ვიდეოში, რომლის სათაურიცაა "დაავადებათა კონტროლის ცენტრის აგენტი მიტოვებულ უხანს იკვლევს" ჩვენ მთავარი გმირის თვალით ვუყურებთ მოვლენებს. შესაბამის აღჭურვილობაში გამოწყობილი ჯანდაცვის მუშაკი ჩაბნელებული საავადმყოფოს ოთახებში დაეხეტება. კამერაში ისმის გახშირებული სუნთქვა, რაციაში კი მისი კოლეგის ხმა დროდადრო წყდება. უეცრად მისკენ საავადმყოფოს ტანსაცმელში ჩაცმული ქალი მოემართება, რომელიც უსიტყვოდ არღვევს დამცავი სამოსის ჰერმეტულობას და დანარჩენი თავად შეგიძლიათ წარმოიდგინოთ.

ახალი კორონავირუსით დაავადებულების რიცხვი 4 მარტის მდგომარეობით 90 000-ს აღწევს. დაღუპულია 3 000 ადამიანი. ჩინეთის მიერ გატარებული ზომების შედეგად დაცარიელებული უხანი მართლაც შემაშფოთებლად გამოიყურება. კადრებისა თუ ფოტოების ნახვის შედეგად მიღებული შთაბეჭდილების თავიდან ამოგდება შეუძლებელია, ვიდეოც, სავარაუდოდ, სწორედ ამ შეგრძნებაზე ცდილობს კაპიტალიზებას. ამ თემაზე შექმნილ კიდევ ერთ ვიდეოს ასე ჰქვია: "სატრანსპორტო უსაფრთხოების ადმინისტრატორი კორონავირუსით დაავადებულ ქალს აკავებს".

როგორც უკვე მიხვდით, კორონავირუსის თემაზე შექმნილი პორნო არსებობს და სულ უფრო და უფრო აქტუალური ხდება. ამ დროისთვის Pornhub-ზე კორონავირუსის თემატიკაზე შექმნილი 112 ვიდეო იძებნება.

"COVID-19-ის პორნო იმავე მიზეზით გვიზიდავს, რა მიზეზითაც ვუყურებთ საშინელებათა ფილმებს. ჩვენ ვეძებთ რაიმეს, რაც თავს ცოცხლად გვაგრძნობინებს", - ამბობს სპაისი, ერთ-ერთი ვიდეოს თანაავტორი, - "COVID-19 მსოფლიოს მოსახლეობის დიდი ნაწილისთვის სახიფათო და ამოუცნობია. ჩვენ გვჭირდება, რომ რაიმე ვიგრძნოთ და გლობალური კრიზისი სწორედ ამის შესაძლებლობას გვაძლევს".

ზოგიერთი პორნოვიდეო კორონავირუსზე ცნობიერების ამაღლებას ისახავს მიზნად. ერთ-ერთ ასეთ მაგალითში პორნოს ერთი გმირი მეორეს 30 წამში უხსნის კორონავირუსის საშიშროებებს და არწმუნებს, რომ ნიღბებით (და არა მხოლოდ ნიღბებით) უნდა დაიცვან თავი.

"ჩვენ ვიცით, რომ კორონავირუსი კარგი მასალაა პორნოსთვის, თუმცა იმასაც ვაცნობიერებთ, რომ ვირუსი ადამიანთა ნაწილისათვის ტრაგიკული თემაა", - ამბობს ერთ-ერთი პორნომსახიობი, - "იმ ადამიანებზეც ვიფიქრეთ, რომლებიც უხანში არიან ჩარჩენილები და საკუთარ თავს ვკითხეთ: ამ ვიდეოთი განაწყენდებოდნენ თუ ეს ყურადღების გადატანაში დაეხმარებოდათ. ჩვენი მიზანი მხოლოდ გართობაა".

რა თქმა უნდა, უხანის საავადმყოფოებში "ზომბი" პაციენტები არ ბუდობენ და სექსის დროს ნიღბის ტარება ვირუსისგან არ დაგიცავთ, თუმცა პორნო არასდროს გამოირჩეოდა სამედიცინო სიზუსტით.

"ხალხს უბრალოდ სიახლე უნდა, თუნდაც სულელური", - ამბობს პორნომსახიობი ჩეისი, - "ბევრ ადამიანს აქვს ნიღბის ფეტიში, თუმცა ეს პირდაპირ არაა დაკავშირებული კორონავირუსის ტრენდთან. კორონავირუსის პორნო იმიტომ იზიდავს ადამიანებს, რომ ამთემის სიმძიმეს ცოტათი მაინც ამსუბუქებს".