ქართული ოცნების დეპუტატის, ლადო კახაძის აზრით, სიძვა, უხეშობა, უზრდელობა და შური პოლარიზაციის მხარესაა. მთავარ არხთან საუბრისას დეპუტატმა აღნიშნა, რომ ის ეთანხმება სალომე ზურაბიშვილის სიტყვით გამოსვლას, სადაც მან დემოკრატიაზე და პოლარიზაციაზე ისაუბრა.

"მის სიტყვის კონსტრუქციას მთლიანად ვეთანხმები, სადაც ადგილი დაუთმო ისეთ სიტყვებს, რომელიც დემოკრატიის საპირისპირო მხარეს გადაიტანა. პოლარიზაცია დემოკრატიის საპირისპირო მხარეა. ჩემთვისაც ზუსტად ასეა აღქმული. პოლარიზაციას ხელს უწყობს სიძვა, უხეშობა, უზრდელობა, შური, დაპირისპირება, უნდობლობა, ამის დათესვა, ეს არის პოლარიზაციის მხარეს და დემოკრატიას ხელს ნამდვილად არ უწყობს", — თქვა ლადო კახაძემ.

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.

გაიგეთ მეტი პრეზიდენტის პარლამენტში გამოსვლაზე: