Bloomberg Billionaires Index-ის მიხედვით, ქართული ოცნების თავმჯდომარემ, ბიძინა ივანიშვილმა 20 თებერვლის შემდეგ $200 მილიონი აშშ დოლარი დაკარგა. ამავე პერიოდიდან მისი ქონება $5,57 მილიარდი დოლარიდან $5,37 მილიარდ დოლარამდე შემცირდა.

2020 წლის დასაწყისიდან 3 მარტამდე ივანიშვილის ქონება $100 მილიონით (1,8%) შემცირდა. მილიარდერების 500-ეულში ივანიშვილი 359-ე ადგილს იკავებს.

2019 წლის ივნისიდან ბიძინა ივანიშვილის ქონება იზრდებოდა. ივნისის მონაცემებით, ის 5,27 მილიარდ აშშ დოლარს შეადგენდა, ხოლო ივლისში 5,37 მილიარდ აშშ დოლარი იყო. 8 ნოემბრის მონაცემით, ბიძინა ივანიშვილის ქონება კიდევ $450 მილიონი აშშ დოლარით გაიზარდა და 5,45 მილიარდი აშშ დოლარი გახდა. 27 დეკემბრისთვის კი ბიძინა ივანიშვილის ქონება $525 მილიონი აშშ დოლარით (+10,5%) გაიზარდა და 5,52 მილიარდი აშშ დოლარი შეადგინა.

ივანიშვილმა თავისი ქონების მნიშვნელოვანი წილი 2003-2006 წლების შუალედში, აქტივების მნიშვნელოვანი წილის გაყიდვის შემდეგ დააგროვა. ბიძინა ივანიშვილის ძირითადი ფინანსური საქმიანობა რუსეთთან არის დაკავშირებული. 1990-იანი წლებში ივანიშვილი აქტიურად მონაწილეობდა, რუსეთის საქმიან ცხოვრებაში. მისი ინტერესები ფართოდ იყო წარმოდგენილი რუსეთის ეკონომიკის სხვადასხვა სეგმენტში, მათ შორის, ფინანსების, ჯანდაცვისა და მძიმე მეტალურგიის სექტორში.