პლასტმასა, რომელიც ოკეანეებს აბინძურებდა ადიდასმა მოაგროვა და ფეხსაცმელი შექმნა
![](http://monica.on.ge/2016/11/04/adidasxparleyub.jpg)
ფოტო: Edgar Alvarez / Engadget
შარშან, Adidas-მა და ორგანიზაციამ Parley, რომელიც ოკეანეების პლასტმასით დაბინძურების შესახებ ცნობადობის აწევაზე მუშაობს, თანამშრომლობა დაიწყეს და 3-D პრინტერის საშუალებით, ოკეანიდან ამოღებული გადამუშავებული პლასტმასის გამოყენებით ფეხსაცმლის ნაწილები შექმნეს.
2016 წელს იმავე თანამშრომლობის ფარგლებში სპორტული ფეხსაცმლის ლიმიტირებული კოლექცია გამოუშვეს, რომელთა ნაწილიც ასევე ოკეანიდან ამოღებული პლასტმასით იყო შექმნილი.
ხოლო ახლა, ადიდასმა გამოაცხადა, რომ იწყებს ახალი სპორტული ფეხსაცმლის UltraBoost Uncaged Parley-ს მასობრივ წარმოებას.
ფოტო: Edgar Alvarez / Engadget
ამ ფეხსაცმლის გაყიდვა ნოემბრის შუა რიცხვებიდან იგეგმება და მისი ფასი $200 იქნება. პირველ ეტაპზე მხოლოდ 7 ათასი წყვილი გამოვა, ხოლო 2017 წლის ადიდასი მილიონამდე წყვილის გამოშვებას და გაყიდვას გეგმავს.
გარემოს დაცვის საკითხში ადიდასი მარტო არ არის. მაგალითად, უკვე 5 ნოემბრიდან მიუნხენის საფეხბურთო კლუბი ბაიერნი იმ ფორმით იასპარეზებს, რომლის ნაწილიც ოკეანიდან ამოღებული პლასტმასის გადამუშავების შედეგად მიღებული ქსოვილითაა შეკერილი, ხოლოდ 24 ნოემბერს იგივე ტექნოლოგიითა და მასალით შექმნილი ფორმებით მადრიდის რეალი დაიწყებს თამაშს.
ოკეანეების პლასტმასით დაბინძურება ერთ-ერთი ყველაზე დიდი პრობლემაა გარემოს დაცვის სფეროში. მაგალითად, წყნარ ოკეანეში არსებობს ე.წ. "წყნარი ოკეანის დიდი პლასტიკური ლაქა". ოკეანის დინებებს ამ ადგილას პლასტმასის ნარჩენები მიაქვთ და საბოლოოდ აქ იმდენი ნაგავი დაგროვდა, რომ ფართობით ამერიკის შტატ ტეხასს უტოლდება.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები