ცენტრალური ინფექციური საავადმყოფოს დირექტორის, თენგიზ ცერცვაძის თქმით, საავადმყოფოს შენობა ოთხვარსკვლავიანი სასტუმრო არაა, სამაგიეროდ მომსახურება და კვალიფიცირება მაღალია. მისი თქმით, შენობის მდგომარეობა არ უნდა განვაზოგადოთ სერვისებზე.

"თუ მხედველობაში მივიღებთ შენობის მდგომარეობას და მის შიგა დიზაინს, ვთქვათ იატაკი რა მდგომარეობაშია, კედლები, ზოგ შემთხვევაში ტუალეტი, შენობა კარგ მდგომარეობაში არ არის... ეს არ არის 4-ვარსკვლავიანი სასტუმრო სამაგიეროდ მომსახურება და კვალიფიცირება არის მაღალი და ვფიქრობ, პაციენტებისთვის მთავარია კარგად იყვნენ, გადარჩნენ და არ გაავრცელონ ინფექცია, ორი დღე მოითმენენ შედარებით ნაკლებ პირობებს", — თქვა თენგიზ ცერცვაძემ.

დაავადებათა კონტროლის ცენტრის ცხელი ხაზი 116 001

საქართველოში ამჟამად კორონავირუსის სამი შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

პირველ მარტს კორონავირუსის გავრცელების პრევენციისთვის უწყებათაშორისი საკოორდინაციო საბჭომ გასცა რეკომენდაცია, რომ საზოგადოებრივი თავშეყრის ადგილებში ხალხმრავალი ღონისძიებები გაუქმდეს.

საბავშვო ბაღებსა და სკოლებში სასწავლო პროცესი 16 მარტამდე შეწყდება. ამ ხნის განმავლობაში კი შენობებში დეზინფექცია ჩატარდება. ამასთანავე დეზინფექცია ჩაუტარდა თბილისის საზოგადოებრივ ტრანსპორტს.

ამავე თემაზე:

გაიგეთ მეტი კორონავირუსის პრევენციის შესახებ: