BBC-ის ინფორმაციით, 240-მდე მიგრანტი ხმელთაშუა ზღვაში, ლიბიის ნაპირებთან, ორი გემის ჩაძირვის შედეგად გარდაიცვალა. ინფორმაციას ამის შესახებ საემიგრაციო სამსახური ავრცელებს.

გაეროს ლტოლვილთა სამსახურს მომხდარის შესახებ იმ მიგრანტებმა უამბეს, რომლებიც იტალიის ნაპირებისკენ გაცურვა და გადარჩენა შეძლეს.

მიმდინარე წლის განმავლობაში, ხმელთაშუა ზღვის გადაკვეთისას, 4200-ზე მეტი მიგრანტი დაიღუპა. რამდენიმე დღის წინ გაერომ განაცხადა, რომ, შესაძლოა, წელს ყველაზე მეტი მიგრანტი დაიღუპოს.