დღეს, 25 თებერვალს თავდაცვის ყოფილი მინისტრი და საბჭოთა კავშირის უკანასკნელი მარშალი, დიმიტრი იაზოვი 96 წლის ასაკში გარდაიცვალა. თავდაცვის სამინისტროს განცხადებით, ის მძიმედ ავადმყოფობდა.

დიმიტრი იაზოვი 1924 წელს დაიბადა. 1942 წლიდან მეორე მსოფლიო ომში იღებდა მონაწილეობას. 1962 წელს კარიბის კრიზის დროს იაზოვის პოლკი კუბაში იყო განლაგებული. 1987-91 წლებში ის საბჭოთა კავშირის თავდაცვის სამინისტროს ხელმძღვანელობდა. 1990 წელს კი მას საბჭოთა კავშირის მარშალის წოდება.

2019 წელს კაცობრიობის წინაშე ჩადენილი დანაშაულისთვის ლიეტუვის სასამართლომ იაზოვს დაუსწრებლად ათი წლით თავისუფლების აღკვეთა მიუსაჯა. საქმე ეხებოდა 1991 წელს ვილნიუსში განვითარებულ მოვლენებს, რა დროსაც ლიეტუვამ დამოუკიდებლობა გამოაცხადა. 1991 წლის 13 იანვარს ვილნიუსნში სამხედროები დამოუკიდებლობის მომხრეებს დაუპირისპირდნენ. შეტაკებების დროს 14 ადამიანი დაიღუპა და 600-ზე მეტი დაშავდა.