კობი ბრაიანტის ცოლი, ვანესა ბრაიანტი უჩივის კომპანის, რომლის ვერტმფრენმა ავიაკატასტროფა განიცადა, რა დროსაც მისი ქმარი და 13 წლის შვილი დაიღუპნენ. ბრაიანტებთან ერთად ვერტმფრენში მყოფი შვიდი პირი დაიღუპა.

სარჩელში ვანესა ბრაიანტი აღნიშნავს, რომ კატასტროფის დროს დაღუპულმა მფრინავმა, არა ზობაიანმა რთულ მეტეოროლოგიურ პირობებში ფრენით დაუდევრობა გამოიჩინა და საფრენი პირობები სათანადოდ ვერ შეაფასა. გარდა ამისა, სარჩელში საუბარია, რომ კომპანიამ ფრენის ნებართვა ისე გასცა, რომ აცნობიერებდა, რამდენად სახიფათო ამინდი იყო ფრენისთვის.

ამ ეტაპისთვის ვერტმფრენის მფლობელ კომპანია Island Express Helicopters-ს მუშაობა შეჩერებული აქვს.

24 თებერვალს სტეიპლს ცენტრში კობი და ჯიჯი ბრაიანტის მემორიალური საღამო გაიმართა. ღონისძიებას ჰოლივუდისა და სპორტის არაერთი ვარსკვლავი ესწრებოდა.

კობი ბრაიანტი აღიარებულია კალათბურთის ერთ-ერთ ყველაზე დიდ ვარსკვლავად. ის 20 წლის განმავლობაში ლოს-ანჯელეს ლეიკერსში თამაშობდა. მოგებული აქვს, NBA-ს ხუთი ჩემპიონატი და 18 All Star თამაში. ის იყო ყველაზე ახალგაზრდა მოთამაშე, რომელიც NBA-ში თამაშში 18 წლის ასაკში დაიწყო და კარიერა 2016 წელს დაასრულა. ბრაიანტი NBA-ს ისტორიაში პირველი მცველია, რომელმაც მინიმუმ 20 სეზონი ითამაშა.

ამავე თემაზე: