დღეს, 1 ნოემბერს, თბილისში, მოსკოვის გამზირზე ავტომანქანა გაჩერებაზე ავტობუსების მოსაცდელს დაეჯახა და ერთი ადამიანი იმსხვერპლა. როგორც On.ge-ს შინაგან საქმეთა სამინისტროში განუცხადეს დაშავებულია კიდევ ერთი ადამიანი, მძღოლი კი იდენტიფიცირებულია.

შსს-ს ცნობით, გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.