თბილისთან ჯორჯიან უოთერ ენდ ფაუერის (GWP) მაგისტრალური წყალსადენის მილი გასკდა. როგორც On.ge-ს კომპანიაში უთხრეს, დაზიანებული მონაკვეთიდან წყლის ნაკადის შესაჩერებლად დაიკეტა ჩამკეტ-მარეგულირებელი ურდულები.

კომპანიაში განმარტავენ, რომ მილის დაზიანების გამო თბილისს წყალმომარაგება არ შეეზღუდება.

ადგილზე მობილიზებულია კომპანიის ტექნიკური ჯგუფი და პრობლემის მოსაგვარებლად სამუშაოები უკვე მიმდინარეობს.