პარლამენტში ადამიანის უფლებათა დაცვის კომიტეტის თავმჯდომარე, სოფო კილაძე ამბობს, რომ ყველაფერი საარჩევნო სისტემის გარშემო "არ ბრუნავს". ასე გამოეხმაურა სოფო კილაძე პარლამენტთან მიმდინარე აქციას.

"რა შუაშია ოპოზიცია და პროტესტი, როცა ჩვენ უამრავი თემა გვაქვს განსახილველი. ახლა ვსაუბრობდით ბავშვის უფლებათა კოდექსის იმპლემენტაციაზე. ჩვენ 2020 წლის წლის პირველი ივნისისთვის უნდა მოვასწროთ ყველა იმ საკითხის განხილვა რომ გამართული სისტემის მუშაობა დაიწყოს. ვისაუბრებთ დასაქმების თემაზე და ვმუშაობთ დასაქმების აქტზე. სამწუხაროა, რომ ოპოზიცია ქმნის ქვეყანაში დღის წესრიგს, თითქოს ყველაფერი ერთი ღერძის, საარჩევნო სისტემის გარშემო ბრუნავს", — აღნიშნა კილაძემ.

საქართველოს პარლამენტთან ოპოზიციისა და აქტივისტების საპროტესტო აქცია "სირცხვილის კორიდორები" დაიწყო. პროტესტის მონაწილეები ბანერებით და სასტვენებით დგანან. აქტივისტები, აპირებენ პარლამენტში შესულ დეპუტატებს დახვდნენ და ამ ფორმით დისკომფორტი შეუქმნან.

"სირცხვილია", "თავისუფლება პოლიტპატიმრებს", "ბიძინა ვირუსი" — ამ და სხვა პლაკატებით ისინი ორ სხვადასხვა შესსვლელთან, ჩიტაძისა და ჭიჭინაზის ქუჩაზე დგანან.