ტელეწამყვანი გიორგი თარგამაძე ფორმულას დირექტორის მოადგილე გახდა. ამის შესახებ ინფორმაცია თავად ტელეკომპანიამ გაავრცელა.

"მისი მიმართულება იქნება საინფორმაციო და სოციალურ-პოლიტიკური გადაცემები. ის იქნება არხის შიდა საქმიანობაში ჩართული", — განუცხადა ფორმულას არხის დირექტორმა, ზუკა გუმბარიძემ.

თარგამაძე ახალ თანამდებობაზე დანიშვნასთან ერთად კვლავ დარჩება საზოგადოებრივ-პოლიტიკური პროგრამის წამყვანი, აპრილიდან კი ახალ გადაცემას — დროებას წაიყვანს.