ნაციონალური მოძრაობის ლიდერი, რომან გოცირიძე ვირუსების მოსალოდნელ საფრთხეს ეხმაურება და ეკლესიებს ურჩევს, ზიარებისას ერთჯერადი კოვზები გამოიყენებენ. მისი თქმით, ეს პროგრესული და თამამი ნაბიჯი იქნებოდა. ამაზე გოცირიძე ფეისბუქის საკუთარ გვერდზე წერს:

"რამდენი მილიონი ადამიანი გადაარჩინა ერთჯერადმა შპრიცებმა, სხვა მსგავსმა, ერთი შეხედვით მარტივმა ”სამეცნიერო-ტექნიკური პროგრესის” მიღწევებმა?! რატომ არ შეიძლება, რომ ზიარებისას ერთჯერადი კოვზები იქნას გამოყენებული?! ამ გაგანია ვირუსობის პერიოდშიც კი ხმას რომ არავინ იღებს ამაზე?"

მსოფლიო კორონავირუსის ინფექციას ებრძვის, საქართველოში დაავადებათა კონტროლის ეროვნული ცენტის ხელმძღვანელი, ამირან გამყრელიძე კი ამბობს, რომ პანიკის საფუძველი არ არსებობს. მისი თქმით, საქართველო დაბალი რისკის ქვეყანაა და ამ ეტაპზე კორონავირუსით ინფიცირებული ადამიანის არცერთი შემთხვევა არ დაფიქსირებულა.

ჯანდაცვის მსოფლიო ორგანიზაციამ კორონავირუსის გამო საერთაშორისო საგანგებო მდგომარეობა გამოაცხადა. ბრიფინგზე ორგანიზაციის წარმომადგენლებმა განაცხადეს, რომ ვირუსი კვლავ განაგრძობს გავრცელებას, საგანგებო რეჟიმის გამოცხადების მთავარ მიზეზად კი იმ ქვეყნების დაცვა დასახელდა, რომლებიც შეიძლება კორონავირუსთან გამკლავება თავად ვერ შეძლონ.

გაიგეთ მეტი: