თბილისის საქალაქო სასამართლოსთან ნიკა გვარამიასა და უცნობ პირებს შორის ინციდენტი მოხდა. ტელეკომპანია მთავარი არხის დამფუძნებელი აცხადებს, რომ უცნობი პირები თავს დაესხნენ და ცხვირისა და თვალის არეში მიიღო დაზიანება.

მედიის მიერ გავრცელებულ კადრებში ჩანს, რომ მანდატურის სამსახურმა და პატრულმა სამი პირი ტერიტორიიდან განარიდა, თუმცა მათ ხელბორკილები არ ედოთ. On.ge დაუკავშირდა შინაგან საქმეთა სამინისტროს, იმის გასარკვევათ, დააკავეს თუ განარიდეს კონკრეტული პირები. მათი თქმით, სამივე პირი გამოკითხვაზეა გადაყვანილი.

ფოტო: საზოგადოებრივი მაუწყებელი

ინციდენტამდე ნიკა გვარამია მთავარი არხის კიდევ ერთი დამფუძნებლის, გიორგი რურუას პროცესზე შედიოდა. საქალაქო სასამართლოში რურუას წინასასამართლო სხდომა მიმდინარეობს.