გენდერულად ნეიტრალური, ეტლით მოსარგებლე და ხელოვნური კიდურის მქონე თოჯინების შემდეგ, Mattel უთმო და ვიტილიგოს მქონე ბარბებს უშვებს.

გასული წლის კამპანიის მიხედვით, ბარბი ინკლუზიური ხდება. ყველაზე პოპულარული თოჯინების შემქმნელ კომპანიას სურს, ბარბი უფრო და უფრო მრავალფეროვანი გახდეს და სხვადასხვა ბავშვების სურვილი დააკმაყოფილოს.

ფოტო: Mattel

სილამაზეზე ვიწრო, არარეალისტური იდეალების შექმნის გამო ბარბს წარსულში გამუდმებით აკრიტიკებდნენ. ბრენდმა ბოლო ხუთი წელი იმიჯის გამოსწორებას დაუთმო: გამოვიდა უფრო რეალისტური ფიგურის თოჯინები, ბარბი, რომელსაც ნაკლებად გამოყვანილი წელი, პატარა მკერდი ან დაკუნთული მკლავები აქვს.

ფოტო: Mattel

ვიტილიგო აუტოიმუნური დარღვევაა, რომელიც ცნობილ მოდელს, ვინი ჰარლოუს აქვს. ის თავისი პოპულარობით ცდილობს კანის დაავადებაზე საზოგადოებაში ცნობიერება აამაღლოს.

Mattel-მა 2018 წელს პატარა გოგოების გასაძლიერებლად ფემინისტური კამპანია წამოიწყო და ასტროფიზიკოსი, ასტრონავტი და მოსამართლე ბარბები გამოუშვა.