გრემის დაჯილდოება ლოს-ანჯელესში, სტეიპლის ცენტრის არენაზე რეპერმა ლიზომ გახსნა, სიმღერით Cuz I Love You. მუსიკოსმა შესრულება რამდენიმე საათის წინ დაღუპულ კალათბურთის ვარსკვლავს, კობი ბრაიანტს მიუძღვნა.

"ეს ღამე შენთვისაა, კობი", — წარმოთქვა მან შოუს გახსნისას.

მის შემდეგ სცენაზე წამყვანი ალიშა კისი გამოჩნდა, რომელმაც მთელი შოუ ბრაიანტის მოგონებას მიუძღვნა და Boyz II Men-თან ერთად It's So Hard To Say Goodbye-ის აკაპელა ვერსია შეასრულა.

"აქ ერთად ვართ, მუსიკის უდიდეს ღამეს, ვზეიმობთ ვარსკვლავებს, რომლებმაც მაქსიმუმი გააკეთეს. მაგრამ, გულწრფელად რომ გითხრათ, ლოს-ანჯელესში ყველა საშინლად დამწუხრებულები ვართ, რადგან ამერიკამ და მთელმა მსოფლიომ გმირი დაკარგა. ჩვენ ვართ გულგატეხილები იმ სახლში, რომელიც კობი ბრაიანტმა ააშენა", — თქვა ალიშა კისმა.

ხმის ჩამწერი აკადემიის ცერემონია სტეიპლის ცენტრის არენაზე იმართება, სადაც ბრაიანტი თავისი კარიერის განმავლობაში LA Lakers-თან ერთად თამაშობდა.

მუსიკოსმა აუდიტორიასთან ერთად წუთიერი დუმილით მიაგო პატივი კალათბურთელს, შემდეგ კი დასძინა, რომ რადგან ბრაიანტს მუსიკა ასე ძლიერ უყვარდა, მთელი ცერემონია მას მიეძღვნებოდა.

კობი ბრაიანტი რამდენიმე საათის წინ ვერტმფრენის ჩამოვარდნის შედეგად დაიღუპა. მასთან ერთად იყო მისი 13 წლის შვილი ჯიანა ბრაიანტი.

ჯიანა (ჯიჯი) და კობი ბრაიანტები 2019 წლის ივლისში

ფოტო: Ethan Miller / Getty Images

ამავე თემაზე: