ევროკავშირის დაფინანსებით საქართველოში საჯარო მმართველობის რეფორმის მონიტორინგის სისტემა იქმნება. პროექტს ინოვაციებისა და რეფორმების ცენტრი განახორციელებს.

"ჩვენ მიზნად დავისახეთ შევქმნათ ერთიანი სისტემური ჩარჩო, რომელიც შესაძლებლობას მოგვცემს ვცადოთ საჯარო მმართველობის რეფორმის განხორციელების სრულფასოვანი შეფასება და ზოგადად წავახალისოთ აღნიშნული რეფორმის საზოგადოებრივი მონიტორინგის პრაქტიკა", — განაცხადა ორგანიზაციის დირექტორმა, გიორგი გაბრიელაშვილმა.

ნინო სამველიძე, საქართველოში ევროკავშირის დელეგაციის წარმომადგენელი აცხადებს, რომ საჯარო მმართველობის წარმატება ევროკავშირისთვის მნიშვნელოვანია.

"ძლიერი ინსტიტუტები და კარგი მმართველობა ჩვენი თანამშრომლობის მიზანია. ეს მოქალაქეების სამსახურში ყოფნის საუკეთესო გზაა", — თქვა მან.