საერთო სამუშაო სივრცე (Coworking space) Terminal საბურთალოს ფილიალში ახალ წევრებს პირველი თებერვლიდან ელოდება. Terminal საბურთალოზე უნივერსიტეტის ქუჩაზე #24 -ში განთავსდება, სადაც საერთო სამუშაო სივრცეში 200-მდე ფიქსირებული ადგილი, 13 ინდივიდუალური ოფისი, საკონფერეციო და შეხვედრების ოთახები გაერთიანდება.

ფოტო: ტერმინალი

ფოტო: ტერმინალი

კონცეფცია და ფასები ახალ ფილიალშიც იგივე რჩება, საკონფერენციო ოთახებით, კაფეთი და მოსასვენებელი ზონებით სარგებლობა წევრებს ახალ სივრცეშიც შეეძლებათ.

როგორც Terminal-ში ამბობენ, გაყიდვები უკვე დაიწყო, განსაკუთრებული მოთხოვნა ოფისებზეა, რომელიც 2-დან 12 ადამიანამდე არის გათვლილი.

ფოტო: ტერმინალი

ფოტო: ტერმინალი

"Terminal-ის კომუნა ფართოვდება და საბურთალოს ფილიალიდან ახალი საინტერესო წევრები უკვე გვიერთდებიან, რაც უფრო მიმზიდველს ხდის ჩვენს სივრცეს", — აცხადებს Terminal-ის მარკეტინგის მენეჯერი თამარ ჯინჭარაძე.

მისი თქმით, საბურთალოს ფილიალი ეკოლოგიურად სუფთა ადგილზე, უნივერსიტეტის "მაღლივ" კორპუსთან მდებარეობს და ქალაქის ურბანულ ხმაურს მოწყვეტილია.

ფოტო: ტერმინალი

"ეს სივრცე განსაკუთრებით კომფორტულია სტარტაპერებისთვის, მცირე კომპანიებისთვის და ფრილანსერებისთვის. ისინი ქირაობენ სამუშაო ადგილს საერთო სივრცეში ან ოფისს და ყველა კომუნალური რუტინისგან გათავისუფლებულები არიან. გარდა ამისა, Terminal-ის წევრებს საშუალება აქვთ ისარგებლონ შეხვედრების ოთახებით, გამოიყენონ იურიდიული მისამართი, ემსახურებათ 24 საათიანი მიმღები, დალაგების სერვისი, აქვთ წვდომა ნებისმიერ ფილიალთან და რაც მთავარია, გარკვეული პირობებით კორპორატიული დაზღვევის შესაძლებლობა", — აცხადებს თამარ ჯინჭარაძე.

მისი თქმით, თებერვლიდან Terminal-ის საბურთალოს ფილიალის კარი ნებისმიერი ადამიანისთვის ღიაა, დაინტერესებულ პირებს შეუძლიათ დაათვალიერონ, ერთი დღე უფასოდ დატესტონ და გადაწყვეტილება შემდეგ მიიღონ.

რეგიონში ყველაზე დიდი საერთო სამუშაო სივრცე Terminal აბაშიძისა და ხორავას ქუჩებზე სამი წელია ფუნქციონირებს და უკვე 3 ათასს წევრს აერთიანებს.

თებერვლის ბოლო კი კიდევ ერთი ფილიალის გახსნა იგეგმება, ამჯერად მარჯანიშვილზე, ვარდების ბაღში.