ფილმ Joker-ში შესრულებული როლისთვის ოქროს გლობუსის მოპოვების შემდეგ, ამერიკელი მსახიობი, ხოაკინ ფენიქსი კინომსახიობთა გილდიის პრიზითაც დააჯილდოვეს.

რამდენიმე საათის წინ გამართულ დაჯილდოების ცერემონიაზე სცენაზე ასულმა მსახიობმა თავდაპირველად საქებარი სიტყვებით მოიხსენია ყველა დანარჩენი ფინალისტი, რომელიც მას კაცის მთავარი როლის ნომინაციაში უწევდა კონკურენციას.

"25 წელზე მეტია ჩემი და კიდევ ბევრი ადამიანის შთაგონება ხარ", — ასე მიმართა ხოაკინ ფენიქსმა ლეონარდო დიკაპრიოს, რომელიც წლევანდელ დაჯილდოებაზე კვენტინ ტარანტინოს ფილმ Once Upon a Time in Hollywood-ში შესრულებული როლისთვის იყო წარდგენილი.

ფენიქსს არ გამორჩენია არც სხვა ნომინანტები: "ერთხელაც კი არ შეგისრულებია როლი ცუდად და ეს მაბრაზებს", — უთხრა კრისტიან ბეილს. ასევე შეაქო Marriage Story-ში შესრულებული როლისთვის ადამ დრაივერი:

"ბოლო წლებია გაკვირდები და მშვენიერ, ნიუანსებზე ორიენტირებულ, დაუჯერებელ და გულში ჩამწვდომ სამსახიობო შესრულებას გვთავაზობ. აქ ჩემ ნაცვლად შენ უნდა იდგე".

ფოტო: Kevork Djansezian/Getty Images

ამ საოცრად ამაღელვებელი სიტყვების შემდეგ ხოაკინ ფენიქსმა განსაკუთრებული პატივი მიაგო ლიტ ლეჯერს, რომელიც 2008 წელს 28 წლის ასაკში გარდაიცვალა.

"ახლა აქ ჩემი საყვარელი მსახიობის, ლიტ ლეჯერის მხრებზე ვდგავარ" — განაცხადა ხოაკინ ფენიქსმა.

შეგახსენებთ, რომ ჰიტ ლეჯერმა კრისტოფერ ნოლანის ფილმში The Dark Knight კომიქსის გმირის, ჯოკერის ყველაზე დასამახსოვრებელი როლი შეასრულა და ხოაკინ ფენიქსის მიერ განსახიერებულ ჯოკერსაც ყველაზე ხშრად სწორედ მას ადარებენ.

აღსანიშნავია, რომ 2009 წელს ჯოკერის როლის შესრულებისთვის ჰიტ ლეჯერსაც გადაეცა კინომსახიობთა გილდიის ჯილდო, მაგრამ თავად ვერ მოესწრო ამ პატივს და სცენაზე მის ნაცვლად გარი ოლდმანი ავიდა.

სამწუხაროა, რომ თავად ჰიტ ლეჯერს არ შეუძლია შეაფასოს, თუ როგორ მოირგო ხოაკინ ფენიქსმა ჯოკერის როლი.

ფოტო: Patrick Mcmullan

ასევე იხილეთ: