Microsoft-მა ცნობილი პროგრამა Paint-ის გაუმჯობესებული ვერსია დააანონსა. პროგრამა, რომელიც აქამდე მხოლოდ ხუმრობის საგანი იყო და უმეტესად Rage Comics-ების შესაქმნელად გამოიყენებოდა, ახალი შესაძლებლობებით იქნება აღჭურვილი. მასში მუშაობისას, 3D ილუსტრაციების შექმნა ნებისმიერ ადამიანს შეეძლება.

როგორც პროგრამის დემოშია ნაჩვენები, განსხვავებით სხვა 3D პროგრამებისგან, რომლებიც პროფესიონალურ ცოდნას მოითხოვს, Paint 3D უადვილესი ფუნქციებით იქნება აღჭურვილი და სამ განზომილებიანი ელემენტების შექმნა ხელის ერთი მოსმითაა შესაძლებელი.

პროგრამაში ფოტოებისა და წინასწარ შექმნილი 2D ელემენტების ინტეგრაციაც შეიძლება. Paint 3D ხელმისაწვდომი 2017 წლიდან იქნება.