თბილისის საქალაქო სასამართლომ ბოლო ორ წელში არასრულწლოვნებთან გარყვნილი ქმედების გამო პირს 6-წლიანი პატიმრობა მიუსაჯა. პროკურატურის ცნობით, შემთხვევები 2018-2019 წლებში, ოთხი არასრულწლოვნის მიმართ მოხდა.

სამართალდამცველებმა იგი 2019 წლის 27 აპრილს დააკავეს. მას ბრალდება საქართველოს სისხლის სამართლის კოდექსის 141-ე მუხლის პირველი ნაწილით - ოთხი ეპიზოდი (გარყვნილი ქმედება დამნაშავისათვის წინასწარი შეცნობით თექვსმეტი წლის ასაკს მიუღწეველთან) წარედგინა.