საქართველოს პრეზიდენტის პრესსამსახურის განცხადებით, სალომე ზურაბიშვილი სოფელ შემოქმედში ჩხატარაშვილების ექვსშვილიან ოჯახში მეკვლედ მივიდა. პრეზიდენტი იქ კალანდობის დღესასწაულს შეხვდა.

როგორც განცხადებაში ვკითხულობთ, მან საქართველოს მოსახლეობას ახალი წელი მიულოცა და მშვიდობა და კეთილდღეობა უსურვა.

"მეკვლე სხვა დროს და სხვა ადგილასაც ვყოფილვარ, მაგრამ ამ დროს გურიაში პირველად ვარ", — ამბობს პრეზიდენტი.

მანამდე, საქართველოს პრეზიდენტი ინიციატივით გამოვიდა, რომ ჩიჩილაკსა და კალანდობის დღესასწაულს საქართველოს არამატერიალური კულტურული მემკვიდრეობის ძეგლის სტატუსი მიენიჭოს.