ქართველმა სუმოისტმა, ლევან გორგაძემ, იგივე ტოჩინოშინმა იანვრის ჰაცუ ბაშოზე შეჯიბრის მეორე დღეს პირველი გამარჯვება მოიპოვა. ტოჩინოშინი მეშვიდე მაეგაშირა ონოშოს დაუპირისპირდა და ოშიდაშის ილეთით გაიყვანა დოჰიოდან. აღნიშნული გამარჯვებით ტოჩინოშინს დადებითი ბალანსი გაუხდა 1-1 ზე.

იანვრის ბაშო ტოჩინოშინისთვის კომუსების ტიტულის მიღების შანსია. ლევან გორგაძე მინიმუმ 10 შეხვედრის მოგების შემთხვევაში სუმოს იერარქიაში მნიშვნელოვნად წაიწევს წინ. ტოჩინოშინმა ოძეკის ტიტულის დაბრუნების შანსი ბოლოს 2019 წლის ნოემბრის ბაშოზე გაუშვა ხელიდან. ტიტულის დაბრუნებისთვის ბრძოლაში მან ნეკნის ტრამვა მიიღო და ბაშოს გამოეთიშა.

გორგაძე შემდეგ შეხვედრას მერვე მაეგარშირა რიუდენთან გამართავს, რომელთანაც ბალანსი მის სასარგებლოდ 2-1 ზეა.