რუსეთის ფედერაციის საგარეო უწყების განმარტებით, 19 ოქტომბერს პრაღაში აბაშიძე-კარასინის შეხვედრის ფარგლებში მხარეებმა აღნიშნეს, რომ ორ ქვეყანაში სულ ცოტა ხნის წინ ჩატარებული საპარლამენტო არჩევნების შემდეგ, რუსეთიცა და საქართველოც სავაჭრო, სატრანსპორტო და კულტურულ-ჰუმანიტარულ სფეროებში დიალოგის გაგრძელებაში არიან დაინტერესებულები.

უწყების განმარტებით, ორ მხარეს შორის ბოლო 4 წლის განმავლობაში მიღწეული პროგრესი ოპტიმიზმის საფუძველს იძლევა:

"2016 წლის 3 კვარტლის მონაცემებით, ორ ქვეყანას შორის სავაჭრო ბრუნვის ზრდამ 17 პროცენტი შეადგინა. რუსეთი თავისი მნიშვნელობით საქართველოსთვის რიგით მეორე სავაჭრო პარტნიორად რჩება. ქართული პროდუქციიდან რუსეთის ბაზარზე ყველაზე ფართოდ ღვინოა წარმოდგენილი, რომლის მიწოდებაც წელს რუსეთში 36 პროცენტით გაიზარდა. სავარაუდოდ, ნოემბერში თბილისში დაგეგმილი შეხვედრა ეკონომიკური კავშირის გამყარებას შეუწყობს ხელს".

უწყების თქმით, მხარეებმა საავტომობილო და საჰაერო გადაზიდვების სამომავლო ზრდაზეც ისაუბრეს და განმარტეს, რომ რუსეთი ვიზების გამარტივების საკითხზე მუშაობას განაგრძობს:

"რუსეთის ვიზებზე ქართული მხარისგან მოთხოვნა ისევ დიდია. ამასთან საქართველოს წელს რუსი ტურისტების რეკორდულ რაოდენობას, 1 მილიონ კაცს მიიღებს".

მხარეებმა ორ მხარეს შორის კულტურული ურთიერთობების განვითარებაზე ისაუბრეს და გადაწყდა, რომ რუსეთის მხარე საქართველოს ქართულ ფილმების ფირებს გადმოსცემს.

გადაწყდა, რომ აბაშიძე-კარასინის მორიგი შეხვედრა 2017 წლის დასაწყისში გაიმართება.