რუსეთის საგარეო საქმეთა მინისტრის ყოფილი მოადგილე და რუსეთის საბჭოს სენატორი, სერგეი კარასინი ამბობს, რომ ოკუპირებულ ტერიტორიაზე დაკავებული ვაჟა გაფრინდაშვილის გათავისუფლების კითხვა მათ არ ეკუთვნით. მისი განცხადების ვიდეოს რადიო თავისუფლება ავრცელებს.

"იმედი გვაქვს, რომ ეს ასე მოხდება", — აღნიშნა კარასინმა გაფრინდაშვილის გათავისუფლებაზე.

დღეს, 28 ნოემბერს პრაღაში აბაშიძე-კარასინის მორიგი შეხვედრა გაიმართება. როგორც კარასინი ამბობს, ერთმანეთს კარგი სამუშაო განწყობით ხვდებიან.

"მთავარი ამოცანაა, გამოვიყვანოთ ჩვენი ორმხრივი ურთიერთობა იმ ჩიხიდან, რომელშიც ის შეიყვანეს იმ დემონსტრაციებმა, განცხადებებმა და უხეშობამ, რომელიც გამოიხატა ჩემი ქვეყნის, რუსეთის მიმართ ამა წლის ივნის-ივლისში. ამისთვის, ვფიქრობ, რომ გაგვაჩნია შესაძლებლობა. სამწუხაროდ საქართველოში კვლავ დუღს შიდა პოლიტიკური სიტუაცია, მაგრამ იმედი მაქვს, რომ ეს არანაირად არ აისახება ჩვენს ორმხრივ ურთიერთობებზე. ჩვენ ყველაფერი გაქვს საიმისოდ, რომ მშვიდად გამოვიყვანოთ ეს ურთიერთობები ჩიხიდან", — ამბობს კარასინი ჟურნალისტებთან.