"მე ძალიან მიყვარს გამონათქვამი, რომ ზოგი ჭირი მარგებელია", — ამის შესახებ ქართული ოცნების თავმჯდომარემ, ბიძინა ივანიშვილმა პროპორციულ საარჩევნო სისტემაზე საუბრისას განაცხადა. მისი თქმით, სამწუხარო იყო პროექტის ჩაგდება, თუმცა აქედან მრავალმხრივი დასკვნები უნდა გაკეთდეს.

როგორც ივანიშვილმა გადაცემა SWOT ანალიზში ისაუბრა, დაპირების ვერშესრულების გამო დამწუხრებულია, ის აცხადებს, რომ "არაფერი დრამატული არ მომხდარა". მისივე თქმით, მაჟორიტარი დეპუტატები თავდაპირველად თანახმა იყვნენ, თუმცა მათ აზრი შეიცვალეს და ამაში ის ოპოზიციის გამონათქვამებსა და დამოკიდებულებას ადანაშაულებს.