მას შემდეგ რაც, პატრიოტთა ალიანსის ლიდერმა, დავით თარხან-მოურავმა, საზოგადოებას საკუთარი წარმომავლობის ისტორია უამბო ინტერნეტის რეაქციებმა არ დააყოვნა.

ქართველ მეფეთა, დიდგვაროვანთა, მოწამეთა, მაჰმადიანთა და ხამზაიდთა შთამომავლობის ამბის გახმაურებას (რომელიც ღირსეულ კონკურენციას უწევს დაენერის ქარიშხალთშობილს, ტარგარიანთა სახლიდან) ქართველი ინტერნეტმომხმარებლისგან კვლევა-ძიების პროცესი მოყვა. დავით თარხან-მოურავს უამრავი წინაპარი აღმოუჩინეს არამხოლოდ ქართულ, არამედ მსოფლიო ისტორიაში, მითოლოგიაში, ფილმებსა და ზღაპრებშიც კი.

როგორც გაირკვა, დავით თარხან-მოურავის სისხლში უძველესი, ვალირიული, დრაკონის სისხლიც ჩქეფს. აქედან გამომდინარე, გაჩნდა ვარაუდი რომ რკინის ტახტის ერთადერთი ჭეშმარიტი მემკვიდრე დავით თარხან-მოურავია. ვნახოთ როგორ შეხვდება ამ ამბავს სერსეი ლანისტერი და მოიდრეკს თუ არა ვესტეროსი მუხლს დრაკონის შთამომავლის წინაშე.

ამ ფაქტმა ჯონ სნოუს წარმომავლობასაც ახადა ფარდა.

მაგრამ სად იყო ვესტეროსი და ვალირია დავით თარხან-მოურავის წინაპრები ეგვიპტეში რომ ბატონობდნენ და მსოფლიო კულტურას უდებდნენ საფუძველს.

ან უფრო ადრე იურულ ეპოქაში

და უფრო ადრეც...

ინტერნემომხმარებელთა ნაწილი მიიჩნევს, რომ დავით თარხან-მოურავმა რეინკარნაციის წყალობით დიდი წვლილი შეიტანა მსოფლიო ისტორიაში.

ამ ამბავში ერთი პატარა პრობლემაც გამოიკვეთა. შესაძლოა, პატრიოტთა ალიანსის ლიდერის სტატუსი ქართველი სახალხო არტისტებთან კონკურენციის მიზეზი გახდეს. იმედია ტიტანების შერკინებას თავიდან ავირიდებთ და ჩვენს ცივილიზაციას საფრთხე არ დაემუქრება.

თუმცა, ეს ყველაფერი როდია. ქართველი დეპუტატის გენეალოგიით აღფთრთოვანებულმა მოქალაქეებმა რაფსოდიაც კი მიუძღვნეს სახელოვან წინაპართა შთამომავალს. მეფეებს თუ მგოსნები და მეხოტბეები ჰყავდათ, მემკვიდრესაც ეკუთვნის ერთი-ორი სიმფონია.

და ბოლოს, მთავარია არ დაგვავიწყდეს, რომ სახელოვან წინაპართა შთამომავალნი უბრალო მოკვდავთაგან განსხვავდებიან. შესაბამისად, თუ თქვენ დაბადებას შუშხუნები არ მოჰყოლია, გახსოვდეთ რომ დავით თარხან-მოურავისას მოყვა!