ლუი ვიტონმა ძვირფასეულობის ამერიკული კომპანია Tiffany & Co 16 მილიარდ დოლარად შეიძინა. ტიფანის შემოსავლები ბოლო წლებში მკვეთრად შეამცირა იმან, რომ ტურისტები ძვირადღირებულ მაღაზიაში არც ისე ბევრს ხარჯავდნენ.

როგორც LVMH-ის მილიარდელმა მფლობელმა, ბერნარდ არნოლტმა განაცხადა, ტიფანის "შეუდარებელი მემკვიდრეობა" გააჩნია და მის სხვა ბრენდებთანაც ახლოსაა. არნოლტმა 2011 წელს 5,2 მილიარდ დოლარად Bulgari-ც შეიძინა და ბიზნესში ერთ-ერთი მოწინავე მოთამაშე გახდა.

"ჩვენ ტიფანის მიმართ უდიდეს პატივისცემას ვგრძნობთ და გვსურს ისევე განვავითაროთ, როგორი ერთგულებითაც ჩვენი სხვა ბრენდების მიმართ გამოვირჩევით", — განაცხადა მან.

Tiffany & Co-ს ცენტრალური მაღაზია ნიუ-იორკში, მანჰეტენის მეხუთე ავენიუზე, ტრამპ თაუერის წინ მდებარეობს. ის 1837 წელს დააარსეს და მსოფლიოს მასშტაბით 300 მაღაზია აქვს. კომპანიაში 14 ათასზე მეტი ადამიანია დასაქმებული.

Tiffany & Co აუცილებლად გემახსოვრებათ 1961 წლის ფილმიდან საუზმე ტიფანისთან, რომელშიც ოდრი ჰეფბერნი მონაწილეობს.

ფოტო: Jurow-Shepherd