ჰარი პოტერის ბოლო ფილმის ჰარი პოტერი და სიკვდილის საჩუქრები გამოსვლიდან უკვე 9 წელი გავიდა, რაც იმას ნიშნავს, რომ ჩვენი საყვარელი პერსონაჟების როლის შემსრულებელი მსახიობების ცხოვრებაში ბევრი რამ შეიცვალა.

სწორედ ამიტომ, ბონი ვრაითი, ოლივერ ფილიპი ან ნატალია ტენა თუ მოგენატრათ, გაგახარებთ და გეტყვით, რომ თითოეულ მათგანს და ასევე ჰარი პოტერის სხვა ვარსკვლავებს ინსტაგრამის საჯარო ექაუნთები აქვთ, სადაც მათ ცხოვრებისთვის თვალის დევნება მარტივად შეგიძლიათ.

აი, ისინიც:

1. ემა უოტსონი

ემა ყველაზე ჭკვიანი ჰერმიონა გრეინჯერის როლს ასრულებდა, რომელსაც სწავლა იმდენად უყვარდა, რომ ორ სხვადასხვა გაკვეთილზე დასასწრებად დროის მდევარსაც კი იყენებდა.

2. ტომ ფელტონი

ტომ ფელტონის გმირი, დრაკო მალფოი მას შემდეგ უმწარებდა სიცოცხლეს პოტერის სამეგობროს, რაც მისი შეთავაზებული მეგობრობის შემდეგ, ჰარიმ ცინიკური უარით გაისტუმრა.

3. ბონი ვრაითი

ბონი ვრაითის პერსონაჟი ჯინი უიზლი მას შემდეგ მოექცა პოტერის გულშემატკივრების განსაკუთრებული ყურადღების ცენტრში, რაც ჰერმიონას ნაცვლად, ჰარიმ არჩევანი მასზე გააკეთა და ბოლოს მასთან ერთად ოჯახიც შექმნა.

4. მეთიუ ლუისი

მეთი ლუისი ჰარი პოტერის ერთ-ერთი გამორჩეული ვარსკვლავია, რადგან ფანები აღფრთოვანებულები იყვნენ, როგორც მისი პერსონაჟის, ნევილის, ასევე ტავად მსახიობის, რეალურ ცხოვრებაში ტრანსფორმაციით.

5. ივანა ლინჩი

მართალია, ივანა ლინჩი პირველად ფილმის მესამე სერიაში გამოჩნდა, თუმცა, მაყურებელმა ის მალევე შეიყვარა. ლუნა ლავგუდი ხომ განსაკუთრებულად უცნაური, მეგობრული და მამაცი პერსონაჟია.

6. ქეით ლიუნგი

ქეით ლიუნგის პერსონაჟით დაინტერესებაც, ჰარი პოტერის მის მიმართ გაჩენილმა გრძნობებმა გამოიწვია. ჩო ჩენგიც იმ გოგონებს შორისაა, რომელთაც პოტერი შეუყვარდათ და მისი გულის მოგება სცადეს.

7. ოლივერ ფელპი

ოლივერ ფელპი მოუსვენარი ტყუპი უიზლებიდან ერთ-ერთის როლს ასრულებდა. ჯორჯი ძმასთან ერთად ყოველთვის ეხმარებოდა ჰარის საკუთარი დიადი მიზნების მიღწევაში და ამისთვის მას ონავრების რუკაც კი გადასცა.

8. ჯეიმს ფელპი

ჯეიმს ფელპი კი მეორე ქარიზმატული ტყუპის, ფრედ უიზლის როლს ასრულებდა.

9. ნატალია ტენა

ალბათ ყველას გახსოვთ, ფენისქის ორდენში გამოჩენილი მამაცი ნიმფადორა, რომელიც თანამებრძლობეთან ერთად ჰარის დეიდა პეტუნიას სახლიდან გაქცევაში ეხმარება. სწორედ მის როლს ასრულებდა ბრიტანელი მსახიობი ნატალია ტენა.

10. დევონ მიურეი

დევონის პერსონაჟი, სიმუს ფინიგანი ორი რამით დაგვამახსოვრდა — პატარაობაში ხელში ყველაფერი უფეთქდებოდა, მოგვიანებით კი გადამწყვეტ მომენტში ის ჰარის გვერდით იბრძოდა ბნელი ლორდის წინააღმდეგ.