Calvin Klein-ის ახალი კონცეფციის შოურუმი სითი მოლში გაიხსნა

Calvin Klein-ის ბრენდის ახალი კონცეფციის შოურუმი მომხმარებელს საბურთალოს სითი მოლში უკვე ელოდება. სრულიად ახალი კონცეფციის რიგით მეორე ოფიციალური შოურუმი — House of Calvin მსოფლიოში რიგით მეოთხეა, ისეთი დიდი მეგაპოლისების შემდეგ, როგორიცაა — ნიუ იორკი, დუსელდორფი და შანხაი.

House of Calvin სხვა შოურუმებისგან განსხვავდება იმით, რომ წარმოდგენილია ბრენდის ყველა ძირითადი ხაზი ერთ სივრცეში, მათ შორის ბრენდის პირველი ხაზი ქალბატონებისთვის და მამაკაცებისთვის, Calvin Klein Underwear, Calvin Klein Jeans, Calvin Klein Performance.

"მოხარულები ვართ, რომ შეგვიძლია უკვე ოფიციალურად გიმასპინძლოთ ჩვენს ახალ კონცეფციის შოურუმში, რომელიც საქართველოში მსოფლიოს სამი მეგაპოლისის შემდეგ გაიხსნა. ამით ბრენდმა საქართველოს და ქართველ მომხმარებელს უდიდესი ნდობა გამოუცხადა", — აცხადებს Calvin Klein Georgia-ს აღმასრულებელი დირექტორი თეონა გოდერიძე.

შოურუმის ლენტის გაჭრის საზეიმო ცერემონიალში მონაწილეობა ბრენდის გენერალურ მენეჯერთან, მარი დაშნიანთან ერთად, საპატიო სტუმრის სტატუსით ამერიკის შეერთებული შტატების ელჩის მოადგილემ ეკონომიკის დარგში ქალბატონმა Mackenzie Rowe-მ მიიღო, რომელიც მოწვეულ სტუმრებს ქართულ ენაზე მიესალმა და ამერიკულ მეგა ბრენდს საქართველოში დიდი წარმატება უსურვა.

აღსანიშნავია, რომ ქელვინი აქტიურად მისდევს მსოფლიოს ეკოლოგიურ კამპანიას და გარემოს დაცვის მიზნებითვის იყენებს 100%-ით ორგანულ ბამბას. 2017 წელს დაიწყო ექსკლუზიურად დაპატენტებული ეკო ტყავის გამოყენება, რომლის ხარისხი ნატურალურ ტყავს უტოლდება, რადგან 2015 წელს ბრენდმა უარი თქვა, ნატურალური ცხოველური ტყავის გამოყენებაზე.

შეგახსენებთ, რომ მიმდინარე წელს ბრენდი დაარსებიდან 50 წლის იუბილეს აღნიშნავს. სხვადასხვა დროს მის სახეებად გვევლინებოდნენ მსოფლიოს კაშკაშა ვარსკვლავები — ქეით მოსი, მარკ უოლბერგი, სინდი კროუფორდი, კიმი და კორტნი კარდაშიანები, ქენდალ ჯენერი, ჯასტინ ბიბერი და სხვები. მიმდინარე წელს ბრენდის სხვადასხვა ხაზის სახეებად — ნაომი ქემბელი, ირინა შაიკი და ბელა ჰადიდი გვევლინებიან, რომელთა მონაწილეობით შექმნილი თვალისმომჭრელი ვიდეორგოლების პრეზენტაციაც გაიმართა, სპეციალურად ამ საღამოსთვის დამონტაჟებულ უზარმაზარ მონიტორზე.