თბილისის საქალაქო სასამართლომ არ დააკმაყოფილა 18 ნოემბერს აქციის დაშლის დროს დაკავებულების ადვოკატების შუამდგომლობა სხდომის გადადების შესახებ. მოსამართლემ მათ მხოლოდ ორი საათი მისცა.

ადვოკატები სხდომაზე აცხადებდნენ, რომ დროის სიმცირის გამო ვერ მოასწრეს საჭირო მტკიცებულებების შეგროვება. სხდომას ექვსივე დაკავებული ესწრებოდა. 17 საათზე ირაკლი ნადირაძის, პაატა სოსანაშვილის, დავით მჟავანაძის, გიორგი (გიგა) მაქარაშვილის, დიმიტრი ბიძინაშვილისა და ირაკლი კაჭარავას საქმე განიხილება.

სხდომაზე ირაკლი კაჭარავამ აღნიშნა, რომ პოლიციის ნიღბიანმა თანამშრომლებმა დაკავებისას ფიზიკური და სიტყვიერი შეურაცხყოფა მიაყენეს. სიტყვის თქმის უფლება მისხეს გიგა მაქარაშვილსაც, რომელმაც მოსამართლეს უთხრა, რომ მისი სამუშაო ადგილი "ქვეყნის სამსახურშია". იგი, ასევე, აცხადებს, რომ 18 ნოემბერს აქციაზე უკანონოდ დააკავეს.

18 ნოემბერს პარლამენტის პიკეტირების დაშლის დროს ჯამში 37 პირი დააკავეს. დაკავებულებიდან ნაწილს ხულიგნობას ედავებიან, ნაწილის კი სამართალდამცავების მოთხოვნის დაუმორჩილებლობას. დაშლის დროს დაშავდა აქციის 4 მონაწილე და 2 სამართალდამცველი.