ხელოვნება ისეთი სფეროა, ნებისმიერი მწერალი, მსახიობი, მხატვარი თუ მუსიკოსი პირველ რიგში თავისი მოღვაწეობით ფასდება, თუმცა არტისტების პირადი ცხოვრება არანაკლებ საინტერესოა და ისინი გამუდმებით ყურადღების ცენტრში ხვდებიან. ლიტერატურას უამრავი შედევრი ახსოვს, რომელიც განსხვავებული სექსუალური ორიენტაციის მქონე ავტორებმა დაწერეს.

1. ოსკარ უაილდი

ამბობენ, რომ ოსკარ უაილდი, რომელიც ლიტერატურულ სამყაროში ცნობილი ძირითადად მისი მსოფლიოში დაფასებული ნაშრომით დორიან გრეის პორტრეტით გახდა, განსხვავებული ორიენტაციის მქონე იყო. მასზე გადაღებულ ფილმში უაილდი ოსკარის პროტოტიპი ბისექსუალია. კრიტიკოსთა ნაწილი ამბობს, რომ ოსკარ უაილდი ერთ-ერთი პირველი ბისექსუალია, რომელსაც საკუთარი ორიენტაციის დამალვა არ უცდია.

2. ვირჯინია ვულფი

ძალიან ბევრის, განსაკუთრებით კი ახალგაზრდების საყვარელი მწერალი, ვირჯინია ვულფი, რომელიც ძალიან ბევრს წერდა ადამიანური ურთიერთობების, სიყვარულისა და ძლიერი ქალის შესახებ, გავრცელებული ვარაუდით ბისექსუალი იყო. მეოცე საუკუნის ერთ-ერთი გამოჩენილი მოდერნისტი მწერლის შედევრებიდან ყველაზე ცნობილია მისის დოლოვეი.

3 . მარსელ პრუსტი

სოდომის და გომორისა და სხვა მრავალი შედევრის ავტორი, ფრანგი მარსელ პრუსტი, ცნობილი გეი იყო. ამაზე საუბრობენ მისი ბიოგრაფები, მეგობრები და ახლობლები. თავად პრუსტს ამის შესახებ ხმამაღლა არასდროს უსაუბრია, თუმცა მისი ოჯახის წევრებისთვის ეს ინფორმაცია დამალული არ ყოფილა.

4 . თომას მანი

ცნობილი გერმანელი მწერლის დღიურები მოწმობს, რომ თომას მანი ჰომოსექსუალი იყო. მისი ორიენტაცია, მართალია სიცოცხლეში ხმამაღლა არ განუცხადებია, თუმცა მის ნაშრომებში ჰომოსექსუალური პასაჟები ხშირად გვხდება, რისი მაგალითიც არის სიკვდილი ვენეციაში.

5 . ჯორჯ ბაირონი

ცნობილი ინგლისელი პოეტი, ჯორჯ ბაირონიც განსხვავებული ორიენტაციის მქონე ხელოვანი გახლდათ.

6 . სილვია პლათი

ამბობენ, რომ ცნობილი პოეტი და მწერალი სილვია პლათი ბისექსუალი იყო. მისი პოეზია ხშირად მიანიშნებს ამისკენ, ვინაიდან მის შემოქმედებაში ხშირად არის წამოწეული განსხვავებული ორიენტაციის თემები. ზუსტი ცნობები ამის შესახებ არ არსებობს, თუმცა არსებობს ეჭვები, რომლისაც შეგვიძლია გვჯეროდეს ან არ გვჯეროდეს.

7. ელიზაბეთ ბიშოპი

ცნობილი ამერიკელი პოეტი, ელიზაბეთ ბიშოპიც განსხვავებული ორიენტაციის მქონე იყო. იგი აღნიშნავდა, რომ საკუთარ თავს არ მიიჩნევდა ლესბოსელ პოეტად, ან ქალ პოეტად. მისი თქმით, იგი იყო ლესბოსელი ქალი პოეტი და არა ერთ-ერთი მათგანი. მისი ნაშრომები საქვეყნოდ არის აღიარებული, როგორც ერთ-ერთი სიმდიდრე ამერიკული ლიტერატურისა.

8. ჩაკ პალანიკი

მებრძოლთა კლუბის ავტორმა, ჩაკ პალანიკმა 2008 წელს ხანგრძლივ ჭორებს წერტილი დაუსვა და განაცხადა, რომ ის გეია. ინტერვიუებში პალანიკი აღნიშნავს, რომ იგი ბედნიერია თავის მეწყვილესთან ერთად და თავს ძალიან კარგად გრძნობს. პალანიკის ნაშრომებმა დიდი აურზაური შემოიტანა ამერიკულ ლიტერატურაში.