აქციის მონაწილეები, რომლებიც არჩევნების პროპორციულ სისტემაზე არგადასვლას აპროტესტებენ მმართველი პარტიის დამფუძნებლის, ბიძინა ივანიშვილის სასახლესთან მივიდნენ. მათ მსვლელობა გამართეს რუსთაველის გამზირიდან, სადაც რამდენიმე ათასი ადამიანი შეიკრიბა.

მათ ივანიშვილის რეზიდენციის კედელზე დატოვეს წარწერა — "შეცვალე".

ფოტო: ანა ვახტანგაძე / On.ge

დღეს, 14 ნოემბერს ბიძინა ივანიშვილის დაპირება არ შესრულდა. ქართულმა ოცნებამ მხარი არ დაუჭირა კანონპროექტს, რომლითაც ქვეყანაში 2020 წლის არჩევნები სრულად პროპორციული სისტემით უნდა ჩატარებულიყო. სწორედ ამ მიზეზის გამო რამდენიმე ათასი ადამიანი რუსთაველის გამზირზე შეიკრიბა.