ბინდის საგის შემდეგ კრისტენ სტიუარტმა არაერთი როლი შეასრულა, რათა მისი იდენტიფიცირება ყველაზე ცნობილ პერსონაჟთან, ბელასთან აღარ მომხდარიყო. მისი ახალი როლიც სწორედ ერთ ასეთ საინტერესო მცდელობად გამოიყურება.

Seberg — ასე ჰქვია Amazon Studios-ს ახალ ფილმს, რომელიც ლეგენდარული მსახიობის, ჯინ სიბერგის ცხოვრების შესახებ მოგვითხრობს. სიბერგი 60-იანი წლების ამერიკელი ვარსკვლავი იყო, რომელიც ფრანგული კინოს ახალი ტალღის საკულტო მსახიობი გახდა. მისი როლებიდან ყველაზე ცნობილია ჟან-ლიუკ გოდარის ფილმში Breathless შესრულებული პატრიცია ფრანჩინის როლი.

კრისტენ სტიუარტი ახალ ფილმში სწორედ მთავარ, ჯინ სიბერგის როლს ასრულებს.

ამ პოლიტიკური თრილერის რეჟისორი ავსტრალიელი ხელოვანი, ბენედიქტ ენდრიუსია. ფილმში კრისტენ სტიუარტთან ერთად მონაწილეობენ ენტონი მეკი, მარგარეტ კუელი და ჯეკ ო'კონელი.

ფილმის მსოფლიო პრემიერა 13 დეკემბერსაა დაგეგმილი.