ჭყონდიდის ყოფილმა მიტროპოლიტმა, მეუფე პეტრემ განაცხადა, რომ არსებობს ფაქტები, რომ სასულიერო პირები საკურთხეველში აუპატიურებენ სტიქაროსნებს. ამის შესახებ მან მთავარი არხის ეთერში, მთავარ აქცენტებში ისაუბრა.

პეტრე ცაავას თქმით, ამის შესახებ არქიმანდრიტ ილიას ჯერ კიდევ 7 წლის წინ ესაუბრა, როცა ციხის კადრები გავრცელდა. მისივე თქმით, მაშინ თქვა, რომ თუ სასულიერო პირები ამაზე საუბარს დაიწყებდნენ, მაშინ ეკლესიის შიგნით არსებულ ცოდვაზე უნდა ელაპარაკათ.

31 ოქტომბერს გამართული სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში მამათმავლობის ცოდვის მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი".

სინოდის სხდომის განჩინებით, პეტრე ცაავას აეკრძალა მღვდელმოქმედება, გათავისუფლდა სინოდის წევრობიდან და ჭყონდიდის ეპარქიის ხელმძღვანელობიდან და "მოსანანიებლად" მონასტერში იქნა გამწესებული. მეუფე პეტრე შეიომღვიმეში წასვლაზე უარი განაცხადა.

ბერებისა და დედაოების ნაწილი ახალ მეუფეს განუდგა მის წირვაზე დასწრებას აღარ აპირებენ.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.

გაიგეთ მეტი: