მსოფლიოში უამრავი ნიჭიერი ადამიანი არსებობს, რომელთა უმრავლესობაც ხან მღერის, ცეკვავს, ფანქრის წვერზე მინიატურულ გამოსახულებებს კვეთს, ქუჩაში ვეებერთელა ნახატებს ხატავს და ხანაც კრეატიულ ტანსაცმელს ქმნის.

ამ სტატიის მთავარი გმირი კი არც მეტი, არ ნაკლები უნაკლო წრეებს ხატავს. დიახ, თინეიჯერმა ბიჭმა სკოლაში გამართულ საგანგებო შოუზე მაყურებელი თავისი ნიჭით განაცვიფრა.

ბიჭმა უშველებელ, თეთრ დაფაზე, ერთ ცდაზე დახატა უნაკლო წრე. რა თქმა უნდა, იუთუბზე ამ ყველაფრის ამსახველი ვიდეოც დევს:

ვიდეო სულ რამდენიმე წამი გრძელდება, რადგან ბიჭსაც სწორედ ამდენივე დრო დასჭირდა, რომ თავისი უმარტივესი, მაგრამ ძალიან ეფექტური ნომრით, თანატოლებზე შთაბეჭდილება მოეხდინა.

"ლუკასის გამოსვლამდე ძირითადად ერთფეროვანი ნომრები ვნახეთ, ცეკვავდნენ, მღეროდნენ, თუმცა, მისი ნიჭი განსაკუთრებული აღმოჩნდა", — ამბობს ლუკასის ერთ-ერთი მეგობარი.