ქართული ოცნების წევრის, ირაკლი კობახიძის თქმით, მეუფე პეტრეს განცხადება, რომ პატრიარქი "პიდარასტიისა და მამათმავლობის ცოდვით" იყო შეპყრობილი, თავის თავზე თვითონ მეტყველებს. სწორედ ამ მიზეზით თქვა მან უარი ამ განცხადების შეფასებაზე.

"პატრიარქი არის ბრძენი და ის ყოველთვის იღებდა ბრძნულ გადაწყვეტილებებს. სინოდს ჰქონდა საშუალება სიღრმისეულად ემსჯელა პრობლემებზე, რომლებიც იდგა ეკლესიის წინაშე, მე იმედი მაქვს და დარწმუნებული ვარ, რომ სინოდმა მიიღო ზუსტად ის გადაწყვეტილება, რომელიც მოემსახურება ეკლესიაში პროცესების სწორად წარმართვას", — თქვა ირაკლი კობახიძემ.

დღეს, 31 ოქტომბერს სინოდის სხდომის დასრულების შემდეგ მეუფე პეტრემ განაცხადა, რომ ეკლესიაში მამათმავლობის ცოდვის მხილების გამო ილია მეორემ მღვდელმთავრობიდან გადააყენა. მოგვიანებით კი აღნიშნა, რომ თავად პატრიარქია "პიდარასტიისა და მამათმავლობის ცოდვით შეპყრობილი". მეუფე პეტრემ განმარტა, რომ სიტყვა "პიდარასტიაში" "ჭაბუკის გამხრწნელი" იგულისხმა. მისი თქმით, ეს საეკლესიო ტერმინია და სხვას ვერაფერს დაარქმევს.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge უცვლელად გთავაზობთ.