მამუკა ხაზარაძემ მოძრაობა ლელოს მეექვსე თორმეტეული წარადგინა.

მეექვსე 12-ეულის სია:

  1. ლევან ასლანიშვილი — ინფორმაციული ტექნოლოგიების სპეციალისტი;
  2. ანა ბიბილაშვილი — არქიტექტორი;
  3. კახა ჯუღელი — ბიზნესმენი;
  4. ნინო შათირიშვილი — ინგლისური ენის და ლიტერატურის სპეციალისტი;
  5. თამაზ სეფიაშვილი — კომპიუტერული მეცნიერების სპეციალისტი;
  6. ხათუნა ბერიშვილი-ლობჟანიძე — კალათბურთის სპორტსკოლის ყოფილი მწვრთნელი;
  7. ბექა ყულოშვილი — ბიზნესის ადმინიტრირების სპეციალისტი;
  8. გიორგი მიკირტიჩიანი — კომუნიკაციების სპეციალისტი;
  9. დათო მესხი — ბუღალტეტი;
  10. დავით დარბაიძე — ინჟინერ-მექანიკოსი;
  11. ნატალია დევდარიანი — უცხო ენის სპეციალისტი;
  12. თათია ჯიმშიტაშვილი — სამართალმცოდნე.

მისივე განცხადებით, პარტიას 12 დეკემბერს დააფუძნებს. ხაზარაძემ საზოგადოებრივი მოძრაობის დაფუძნება 9 ივლისს დააანონსა, 12 სექტემბერს კი პრეზენტაცია ანაკლიაში გამართა. ხაზარაძემ მაშინ თქვა, რომ ქვეყანაში ბოლო დროს მიმდინარე პროცესები საგანგაშო ფორმებს იღებს, სახეზეა ჩვენი საზოგადოების გახლეჩვისა და დაპირისპირების მიზანმიმართული პროცესი.

მისივე თქმით, 20 ივნისის ღამე იყო ის წყალგამყოფი, როდესაც "ჩვენმა ღირსეულმა და თავისუფალმა ახალგაზრდობამ გულწრფელი და მტკიცე პროტესტი გამოხატა ოკუპაციისა და ძალადობის წინააღმდეგ. ეს პროტესტი არის უწყვეტი, ისტორიული პროცესისა და ჩვენი ქვეყნის დამოუკიდებლობისთვის ბრძოლის გაგრძელება". ხაზარაძემ აღნიშნა, რომ სწორედ დღეს არის საჭირო ჯანმრთელი, პროგრესული და პროდასავლური საზოგადოების კონსოლიდაცია და გაერთიანება, რადგან მისივე განცხადებით, ცხადია, რომ არსებული ვითარების დეესკალაცია და სამოქალაქო მშვიდობის მიღწევა მხოლოდ ხელისუფლების ან პოლიტიკური პარტიების ძალისხმევით პრაქტიკულად შეუძლებელი ხდება.