უზენაესი სასამართლოს უვადო მოსამართლეობის კანდიდატი, ნუგზარ სხირტლაძე ფიქრობს, რომ გამოხატვის თავისუფლება შეზღუდვა დასაშვებია, თუკი ის რელიგიურ გრძნობებს შეურაცხყოფს. ამ თემაზე დღეს, 24 ოქტომბერს საპარლამენტო მოსმენისას კოალიცია დამოუკიდებელი და გამჭვირვალე მართლმსაჯულების წარმომადგენელმა გიორგი მშვენიერაძემ დაუსვა შეკითხვა კანდიდატს.

გიორგი მშვენიერაძე: თუ სწორად გავიგე, თქვენ ჩათვლით, რომ გამოხატვის თავისუფლება შეიძლება შეიზღუდოს, თუკი ეს სხვა ადამიანების რელიგიურ გრძნობებს შეურაცხყოფს?

ნუგზარ სხირტლაძე: "დიახ. ყოველ შემთხვევაში, გამოხატვის თავისუფლების შეზღუდვა რელიგიური გრძნობების დაცვის მიზნით ევროსასამართლოს გადაწყვეტილებებითაც ცნობილია, თუ გამოხატვის თავისუფლება ზღვარგადასულია, მაგალითად, საქმეში "პრემინგერის ინსტიტუტი ავსტრიის წინააღმდეგ". თუ არის რელიგიის კონსტრუქციული კრიტიკა, როგორც საქმეში "ტატლავი თურქეთი წინააღმდეგ", ასეთ შემთხვევაში დარღვევა არ ფიქსირდება".