ძალიან მალე, 31 ოქტომბერს ყველა ბავშვისთვის საყვარელი დღესასწაული, ჰელოუინი უნდა აღვნიშნოთ და ბუნებრივია, რომ მათთვის ნაცნობი ანიმაციის გმირების, პრინცესების, ცხოველებისა თუ რაინდის ფორმების მოსამზადებლად, სულ უფრო ცოტა დრო გვრჩება.

ამავე დღისთვის მომზადებაში გვეხმარება ონლაინმაღაზია Target, რომელიც უკვე შშმ ბავშვებზე ადაპტირებულ ჰელოუინის ფორმებს ყიდის.

ფოტო: Target

მეკობრე, პრინცესა, ზვიგენი და უნიქორნი — ეს იმ ინკლუზიური ფორმების ჩამონათვალია, რომელთა გამოწერაც თქვენი საჭიროებისამებრ, საკმაოდ ხელმისაწვდომ ფასში, დღესვე შეგიძლიათ.

ფოტო: Target

მეკობრისა და პრინცესას ადაპტირებული ფორმები ბავშვებს საკუთარი ეტლის მარტივად გარდასახვაში დაეხმარებათ, რაც იმას ნიშნავს, რომ ჰელოუინზე გემრიელი კანფეტების დასაგროვებლად, გაცილებით მეტი შანსი ექნებათ.

ფოტო: Target

"Target-ის ჰელოუინის ფორმებს ყოველთვის მოუთმენლად ველოდები ხოლმე, თუმცა, განსაკუთრებულად გამიხარდა, როცა მათი ადაპტირებული ფორმები ვნახე", — წერს ტვიტერის ერთ-ერთი მომხმარებელი და იმასაც ამბობს, რომ ეს დღესასწაული ყველა ბავშვისთვის თანაბრად სახალისო უნდა იყოს.

აღსანიშნავია, რომ ეს პირველი შემთხვევა არ არის, როცა Target ადაპტირებულ პროდუქტს ყიდის. ჰელოუინის ფორმების შერჩევა და შესაბამისად ყიდვა კი ძალიან მარტივად, ონლაინ შეგიძლიათ.