ლოს-ანჯელესში გამართულ წვეულებაზე ოსკაროსანი მსახიობი ნატალი პორტმანი მარველის ფილმებზე კრიტიკას გამოეხმაურა და სკორსეზესა და კოპოლას კომენტარები არ გაიზიარა.

"ჩემი აზრით, ყველა სახის კინოსთვის მოიძებნება სივრცე. ხელოვნება მხოლოდ ერთი გზით არ იქმნება", — თქვა მან.

პორტმანი 2021 წელს მარველის სიქუელში მთავარ როლს შეასრულებს. ფილმში Thor: Love and Thunder ის თორის მანტიას მოირგებს. მსახიობი კომიქსების ფილმებში ადაპტაციას პოზიტიურად უყურებს და მიიჩნევს, რომ ის მაყურებელს ყოველდღიური ცხოვრებიდან გაქცევაში ეხმარება:

"მარველის ფილმები პოპულარულია რადგან ისინი სახალისოა. ადამიანებს სჭირდებათ გართობა, როდესაც სამსახურის შემდეგ თავისუფალი დრო აქვთ, ან ცხოვრების სირთულეების დავიწყება სურთ".

მარველის ფილმები მარტინ სკორსეზემ, ფრენსის ფორდ კოპოლამ და ჯენიფერ ენისტონმა გააკრიტიკეს. სკორსეზემ ისინი გასართობ პარკს შეადარა, რომელიც კინოში არ უნდა გადიოდეს, ხოლო კოპოლამ მათ "საძაგლობა" უწოდა.

ასევე იხილეთ: