ოსკაროსანი მსახიობი ნატალი პორტმანი მარველის სექველში, Thor: Love and Thunder თორის მანტიას მოირგებს. ფილმში ბრუნდებიან ტესა ტომპსონი და სუპერგმირის როლის შემსრულებელი კრის ჰემსვორტიც. ფილმის სცენარისტი და რეჟისორი ტაიკა ვაიტიტი იქნება, რომელმაც 2017 წლის ფილმი, თორი: რაგნაროკი გადაიღო.

პორტმანი ექიმ ჯეინ ფოსტერს განასახიერებს, რომელიც 2011 წლის ორიგინალში, Thor ვიხილეთ.

დაბნეული ფანებისთვის ვაიტიტიმ პერსონაჟისა და გენდერის ცვლილებები ახსნა. სიუჟეტი 2014 წლის კომიქსზე იქნება დაფუძნებული, რომლის მიხედვითაც თორი თავის ძალებს კარგავს და მისი და ჯადოსნური ჩაქუჩის მფლობელი ჯეინ ფოსტერი ხდება.

ახალზელანდიელი რეჟისორი მეტ დეტალს არ ამხელს, თუმცა დასძენს, რომ პორტმანის პერსონაჟს ძლიერი თორი ერქმევა.

პორტმანი მარველის მაყურებელს 2013 წლის ფილმის, Thor: The Dark World შემდეგ არ უნახავს. როგორც მსახიობი ინსტაგრამზე წერს, ფრენჩაიზში დაბრუნება მისთვის ამაღელვებელია.

უცნობია ვიხილავთ თუ არა თორის ძმის, ლოკის როლის შემსრულებელს, ტომ ჰიდელსტოუნს, თუმცა იმედი ვიქონიოთ, რომ მის სიურპრიზებით სავსე სუპერგმირს ახალ ფილმშიც ვიხილავთ. ჰიდელსტოუნი გამოჩნდება მარველის ახალ სერიალში, Loki.