17 ოქტომბრის საღამოს ოსკაროსანმა მომღერალმა ლედი გაგამ ლას-ვეგასში კონცერტი გამართა. ეს Enigma-ს სახელწოდებით ცნობილი სერიის ერთი რიგითი შოუ იყო, რომლის დროსაც პოპ დივა სერიოზულად დაშავების საფრთხის წინაშე აღმოჩნდა.

33 წლის მომღერალმა სცენაზე ფანი აიყვანა და მასთან ერთად შესრულებული ერთობლივი ცეკვის დროს ორივე მათგანი სცენიდან გადმოვარდა.

ამ ფაქტის შესახებ კონცერტზე დამსწრეებმა Reddit-ზე დაწერეს: "სრულიად საფუძვლიანად ვიფიქრეთ, რომ გაგა მოკვდებოდა", - წერს ერთ-ერთი ფანი.

ამის მიუხედავად, პოპვარსკვლავს კონცერტი არ შეუწყვეტია და სცენაზე ცეკვა ისე გააგრძელა, თითქოს, არც არაფერი მომხდარიყო. მეტიც, მან თავის იმ ფანსაც მიმართა საჯაროდ, რომელთან ერთადაც სცენიდან გადავარდა:

"არ ინერვიულო, ყველაფერი კარგადაა. ეს შენი ბრალი არ ყოფილა. დამპირდი, რომ ამის გამო შენს თავს არ დაადანაშაულებ."

კონცერტის დასრულების შემდეგ ლედი გაგამ ინსტაგრამზე ფოტო გამოაქვეყნა, სადაც ჩანს, თუ როგორ იღებს ყინულის აბაზანებს:

არადა კონცერტის დაწყების წინ ასეთი შემართებით იყო:

ვიმედოვნებთ, რომ პოპდივა თავს უკვე კარგად გრძნობს.