კუს ტბის განახლებული საბაგირო, რომლის მეშვეობითაც ჭავჭავაძის გამზირიდან კუს ტბაზე ასვლა 6 წუთშია შესაძლებელი, დღეს გაიხსნა. ახალი სადგური შეზღუდული შესაძლებლობების მქონე პირებისთვისაცაა ადაპტირებული, ხოლო მოყვარულ ველოსპორტსმენებს შესაძლებლობა ექნებათ, ვაგონს ველოსიპედი სპეციალურ დასამაგრებელზე მიამაგრონ.

საბაგიროს რეაბილიტაციის ფარგლებში ქვედა და ზედა სადგურები აღადგინეს, თუმცა ახალ საბაგიროს ძველი იერ-სახე შენარჩუნებული აქვს. როგორც თბილისის მერმა, დავით ნარმანიამ განმარტა, შეკეთდა ვაგონები და გამოიცვალა ტროსები:

"სისტემის მოდერნიზაცია მოხდა ისე, რომ დღეს უსაფრთხოა და ადაპტირებულია შშმ პირებისთვის".