90-ანი წლებიდან 2000-იანების დასაწყისამდე მსოფლიოს მრავალ ქვეყანასთან ერთად Nintendo-ს წარმოებული Game Boy საქართველოშიც საკმაოდ პოპულარული იყო. თუმცა, საქართველოში უფრო მისი ალტერნატიული ვერსია - Brick Game იყო ცნობილი.

კი, ამაზე ვსაუბრობთ:

ფოტო: Public Domain

ამ სათამაშო კონსოლში ერთ-ერთი თამაში იყო ტეტრისი, რომელიც იმდენად პოპულარული იყო მომხმარებლებში, რომ დღემდე საქართველოში ამ მოწყობილობასაც ხშირად ტეტრისით მოიხსენებენ, მიუხედავად იმისა, რომ მასში სხვა თამაშებიც იყო.

ვისაც ზემოთ უკვე მოთხრობილი ისტორია ეცნობა, მაშინ ეს სიახლე მათ განსაკუთრებით დააინტერესებთ:

კომპანია Analogue-მა სულ ცოტა ხნის წინ დააანონსა ახალი პროექტი, რომელიც სწორედ Game Boy-ს ერთგვარ თანამედროვე და განვითარებულ თაობას წარმოადგენს. ახალ კონსოლს Pocket ჰქვია და მას 2 780-ზე მეტი თამაშის მხარდაჭერა ექნება.

ფოტო: ANALOGUE

ახალ მოწყობილობას განახლებულ დიზაინთან ერთად კიდევ უფრო განვითარებული მონაცემები ექნება - Game Boy-სთან შედარებით მისი რეზოლუცია ათჯერ უფრო უკეთესია.

Analogue Pocket-ის შეძენა 2020 წლიდან შეგეძლებათ და მისი ფასი დაახლოებით 200$ იქნება.

ფოტო: Analogue

ფოტო: Analogue