Stranger Things-მა მესამე სეზონის დასასრულს მაყურებელი გულგატეხილი და სევდიანი დატოვა, რადგან შოუს ფინალში შერიფი ჯიმ ჰოპერი (დევიდ ჰარბორი) ლაბორატორიის აფეთქებასთან ერთად დაიღუპა.

თუმცა, დაკვირვებულ მაყურებელს არ გამოპარვია ფინალის ბოლო სცენის დეტალი, როდესაც რუსები ამბობენ, რომ ამერიკელი ჰყავთ დატყვევებული.

თვის დასაწყისში კი, როდესაც მეოთხე სეზონის გადაღებები დაიწყო, ჯორჯიის შტატში ადგილობრივებმა გადასაღებ მოედანზე ჰოპერის მანქანა დააფიქსირეს და ამის შესახებ რედიტზეც დაწერეს.

ფოტო: ChihuahuawithBoombox / Reddit

კი, ეს სწორედ ჰოპერის მანქანაა, თუმცა პოლიციის ციმციმას გარეშე.

სხვა ფოტოებში კი ჩანს სერიალზე მომუშავეთა გუნდი მანქანების გარემოცვაში, რომელთა შორის ერთი ჰოპერისაა.

სერიალის მეოთხე სეზონის პრემიერის თარიღს ნეტფლიქსი ჯერჯერობით სიურპრიზად გვინახავს. მანამდე კი ფანებს მოუწევთ თავი იმაზე იმტვრიონ, ცოცხალია თუ არა ილევენის მამობილი.