როდესაც კომიკ-კონზე სამეფო კარის თამაშების მსახიობს, კიტ ჰარინგტონს ჰკითხეს, თუ ვისი როლის შესრულებას ისურვებდა ჰარი პოტერის პრიქველის გადაღების შემთხვევაში, ჯონ სნოუს როლის შემსრულებელმა დაუფიქრებლად მიუგო:

"სნეიპის, სნეიპი საუკეთესო პერსონაჟია. მომწონს მისი ისტორიაც. სევერუს სნეიპი ყველაზე ტრაგიკული, საოცარი, შეუდარებელი გმირია. ისაა პერსონაჟი, რომელიც თავიდან გძულს და საბოლოოდ გიყვარს. ფენომენალურია. არ მგონია, რომ მის როლს შევეფერები, ასე რომ, ალბათ სირიუსს [ბლექს] ვითამაშებდი. თუმცა, ვინც არ უნდა ითამაშოს სნეიპის როლი, ის მაინც დიდებული პერსონაჟი იქნება".

იქამდე, სანამ პოტენციურ როლს მიიღებს, შეგახსენებთ, რომ კიტ ჰარინგტონმა სუპერპოპულარული სერიალიდან ფილმებში გადაინაცვლა. ის მარველის The Eternals-ში იღებს მონაწილეობას. ფილმი დიდ ეკრანებზე 2020 წლის 6 ნოემბერს გამოვა.