90-იანების ერთ-ერთი პოპულარული სატირული ფილმის Natural Born Killers გამოსვლიდან 25 წელი გავიდა. იუბილეს აღსანიშნავად ჰოლივუდის ბულვარში ფილმის ჩვენება გაიმართა.

საღამოს მთავარი როლის შემსრულებლები, ვუდი ჰარელსონი და ჯულიეტ ლუისი ესწრებოდნენ. ასევე ფილმის რეჟისორი ოლივერ სტოუნი.

ვუდი ჰარელსონი, ჯულიეტ ლუისი და ოლივერ სტოუნი. 8 ოქტომბერი, ჰოლივუდი.

ფოტო: Getty Images

ფილმში ისინი ახალგაზრდა, ერთმანეთზე შეყვარებულ სერიულ მკვლელებს, მიკის და მელორის ასახიერებენ, რომლებსაც ტაბლოიდები როგორც სენსაციას, ისე აშუქებენ. ფილმში, რომლის ორიგინალი სცენარიც კვენტინ ტარანტინოს ეკუთვნის, წყვილი 52 ადამიანს კლავს. მკვლელებად დაბადებულნის ჩვენება ირლანდიაში თავდაპირველად აკრძალული იყო, მანამდე კი, ოლივერ სტოუნს 4-წუთიანი სცენის ამოჭრა მოუწია ცენზურის მოსახსნელად. მონაკვეთი Warner Bros.-ის მიერ მოგვიანებით გამოქვეყნებულ ბლუ-რეიში შევიდა.

გთავაზობთ ხუთ საუნდტრეკს, რომელიც შავ კომედიას თან იდეალურად გასდევს.

1. Bob Dylan – You Belong To Me

2. Leonard Cohen – The Future

3. Cowboy Junkies – Sweet Jane

4. Patti Smith – Rock N Roll Nigger

5. Leonard Cohen – Waiting for the Miracle