"მე ვფიქრობ, რომ ის დაპირებები, რაც გაიცა 2012 წლის არჩევნებისთვის და რაც იყო ჩვენი პლატფორმა, უმრავლესობა მათგანი შეძლებისდაგვარად არის შესრულებული", — აცხადებს იუსტიციის მინისტრი თეა წულუკიანი და განმარტავს, რომ არ არსებობს პოლიტიკური დაპირებები, რომლებიც 100%-ით სრულდება.

"როდესაც ხარ ხელისუფლებაში შემდეგ შენ რაღაცას შეძლებ, რაღაცას ვერ შეძლებ. მთავარი არის ის, რომ ქართული ოცნების ხელისუფლება იყო ყოველთვის თავისი ღირებულლებების ერთგული. ეს მე ჩემს თავზეც შემიძლია გითხრათ, სხვებზე რომ არ ვისაუბრო. ვალდებულებების ტვირთი, რა თქმა უნდა, ჩემი გუნდის წევრებთან ერთად, რომ ღირსეულად მეტარებინა", — აცხადებს წულუკიანი.

2012 წლის არჩევნების წინ ბიძინა ივანიშვილი და მისი გუნდის წევრები სხვა დაპირებებთან ერთად მომრჩეველს კომუნალურებზე ტარიფების დაწევას, ასეულობით ქარხნის გახსნას, სამუშაო ადგილების გაჩენას, უმუშევრობისა და სიღარიბის დაძლევას პირდებოდნენ. საზოგადოების ნაწილი სწორედ ამ დაპირებების შეუსრულებლობაზე საუბრობს ხალხი.

ქართული ოცნების არჩევნებში გამარჯვებიდან შვიდი წელი გავიდა. ეს დღე პარტიამ საზოგადოებას სპეციალური განცხადებით მიულოცა.