პარტია გირჩის წევრი, იაგო ხვიჩია ამბობს, რომ 2018 წლის ოქტომბრის თვეში, მარიხუანას ლეგალიზაციის ფესტივალთან დაკავშირებით გირჩის წევრებს უსმენდნენ. როგორც ის ამბობს, ეს ინფორმაცია პოლიციაში მიაწოდეს. იაგო ხვიჩიამ თქვა, რომ შსს-მ სატელეფონო საუბრებში კანონდარღვევა ვერ აღმოაჩინა.

"მე რომ მარიხუანის ლეგალიზაციის ფესტივალს ვაორგანიზებდი, ეგ ფესტივალამდე დიდი ხნით ადრე იყო ცნობილი. დეკრიმინალიზაციასაც ვაორგანიზებდი და ლეგალიზაციასაც, ამიტომ, მე რომ ამ საკითხში ბევრი აქტივობები მქონდა ეს არ იყო პრობლემა. ამის გამო მთელ პოლიტიკურ პარტიას და მხარდამჭერების რომ უსმენ და პირადი ცხოვრების ამბავს რომ იგებენ ეს არის პრობლემა. არ მგონია, რომ მთლად ცივილური იყოს ეს ამბავი", — თქვა იაგო ხვიჩიამ.

გირჩის წევრები პოლიციის სამმართველოში დღეს, 2 ოქტომბერს დაიბარეს. პარტიაში აცხადებებ, რომ შსს-მ ოფიციალურ მიზეზად კანაფის ლეგალიზაციის ფესტივალის საქმის დახურვა დაუსახელა. გირჩის წევრების აზრით, პოლიციაში დაბარებით ძალოვან სტრუქტურებს მათი დაშინება უნდათ. ისინი ამ ფაქტს ტაქსების რეგულაციის გაპროტესტებას უკავშირებენ.